Ambasada e Republikës së Kosovës në Austri njoftoi se janë përmbyllur të gjitha procedurat e nevojshme lidhur me rastin tragjik të ndodhur në Vjenë, në koordinim me familjarët dhe autoritetet austriake.
Trupat e pajetë të tre shtetasve kosovarë u nisën pasditen e 20 marsit 2026 për në Kosovë.
Ngjarja ndodhi më 17 marsin 2026 në kryeqytetin austriak, gjatë punimeve për betonimin e kulmit të një objekti. Një pjesë e konstruksionit u shemb bashkë me skeletin ku punonin pesë punëtorë. Katër prej tyre humbën jetën, ndërsa tre ishin shtetas kosovarë: Asllan Musliu (49 vjeç), Istref Zekaj (46 vjeç) dhe Pajtim Bajrami (36 vjeç).
Në njoftimin zyrtar, Ambasada shprehu ngushëllimet për familjet e viktimave, të afërmit dhe të gjithë të prekurit. "Në këto momente të vështira, shprehim ngushëllimet tona më të sinqerta për familjet e të ndjerëve", thuhet në reagim.
Po ashtu, Ambasada falënderoi bashkatdhetarët në Austri për solidaritetin dhe gatishmërinë për të ndihmuar gjatë kësaj periudhe.