Dy nga tre shtetasit e Kosovës, të vdekur më 17 mars në vendin e tyre të punës në Vjenë të Austrisë, varrosen sot në vendlindjet e tyre.
Familjarët kanë njoftuar se Pajtim Bajrami do të varroset në orën 16:00 në varrezat e familjes Bajrami. Asllan Musliu do të varroset në varrezat e qytetit të Prizrenit.
Bashkë me ta vdiq edhe Istref Zekaj nga Istogu, mirëpo familjarët nuk kanë bërë të ditur kohën e varrimit të tij.
Ambasada e Kosovës në Austri kishte njoftuar të premten se dje trupat e tyre ishin nisur për në Kosovë.
Nga kjo ngjarje vdiq edhe një person tjetër, identiteti i të cilit nuk është konfirmuar ende.