Ambasada e Kosovës në Vjenë ka njoftuar se janë përmbyllur të gjitha procedurat e nevojshme për kthimin në atdhe të trupave të tre shtetasve kosovarë që humbën jetën në një kantier ndërtimi në kryeqytetin austriak tri ditë më parë.
Në koordinim të ngushtë me familjarët dhe autoritetet kompetente austriake, trupat e Asllan Musliut (49 vjeç), Istref Zekajt (46 vjeç) dhe Pajtim Bajramit (36 vjeç) u nisën pasditen e sotme drejt Kosovës.
Asllan Musliu pritet të varroset nesër në varrezat e qytetit të Prizrenit. Ceremonia e varrimit nis në orën 15:00.
Përditësime
Varrimi i Asllan Musliut zhvillohet sot në Prizren. Trupat e tre kosovarëve u nisën dje pasdite drejt Kosovës.