Kryeministri në detyrë i Kosovës, Albin Kurti, dhe presidentja Vjosa Osmani, kanë shprehur ngushëllime pas aksidentit hekurudhor në Spanjë më 19 janar 2026. Sipas raportimeve, ngjarja ka lënë të vdekur të paktën 39 persona dhe dhjetëra të tjerë të plagosur.
Albin Kurti shkroi në rrjetet sociale: «Jemi thellësisht të pikëlluar nga lajmet që vijnë nga Spanja për aksidentin e trenit që mori shumë jetë njerëzish. Mendimet tona janë me viktimat dhe familjet e tyre, ndërsa ekipeve të shpëtimit u urojmë forcë në përpjekjet e tyre».
Presidentja Vjosa Osmani u shpreh: «Lajme zemërthyese nga jugu i Spanjës pas një aksidenti tragjik hekurudhor që ka marrë shumë jetë dhe ka lënë shumë të tjerë të lënduar. Ngushëllimet tona më të sinqerta për familjet që kanë humbur më të dashurit e tyre dhe urimet për shërim të shpejtë për të gjithë të plagosurit. Kosova qëndron në solidaritet me popullin e Spanjës në këtë kohë të vështirë».
Autoritetet spanjolle vazhdojnë operacionet e shpëtimit dhe hetimet për shkaqet e aksidentit. Reagime të ngjashme kanë ardhur nga liderë të tjerë botërorë.