Vjosa Osmani, presidente e Kosovës, shprehu ngushëllimet për humbjen e 39 jetëve në aksidentin hekurudhor në jug të Spanjës. Ngjarja ndodhi të dielën në mbrëmje në Adamuz, ku vagonët e një treni që udhëtonte drejt Madridit dolën nga shinat dhe kaluan në binarët e kundërt, duke u përplasur me një tren tjetër që po vinte përballë.
Garda Civile e Spanjës njoftoi se ky është aksidenti më i rëndë hekurudhor në vend për më shumë se një dekadë. Në të dy trenat udhëtonin rreth 400 pasagjerë dhe anëtarë të stafit.
Shërbimet e emergjencës trajtuan 122 persona. 48 prej tyre, përfshirë pesë fëmijë, qëndrojnë ende në spital. Ndër ta, 11 të rritur dhe një fëmijë janë në gjendje intensive.
Në platformën X, Osmani shkroi: “Shpreh ngushëllimet tona më të sinqerta për familjet që kanë humbur më të dashurit e tyre dhe u dëshirojmë shërim të shpejtë të gjithë të lënduarve. Kosova qëndron në solidaritet me popullin e Spanjës në këtë kohë të vështirë”.
Përditësime
Kryeministri i Kosovës, Albin Kurti, reagoi në X duke cituar postimin e Presidentes Vjosa Osmani për 39 viktimat e aksidentit hekurudhor në Spanjë.
Postimi i Osmanit në X lexon: "Lajme zemërthyese...".