Një aksident automobilistik ka ndodhur mbrëmjen e së mërkurës në aksin rrugor Tepelenë-Memaliaj, në vendin e quajtur Runë. Si pasojë e një përplasjeje "kokë më kokë" midis dy automjeteve, kanë mbetur të plagosur dy drejtuesit e mjeteve dhe dy pasagjerë.
Sipas informacioneve nga organet kompetente, të dëmtuarit ndodhen në spital jashtë rrezikut për jetën. Përplasja ka qenë e fortë, duke shkaktuar dëme të shumta materiale dhe duke i nxjerrë jashtë përdorimit të dy automjetet.
Policia dhe grupi hetimor kanë nisur punën për zbardhjen e plotë të ngjarjes. Nga të dhënat paraprake, dyshohet se shkaku kryesor i përplasjes ka qenë shpejtësia e lartë me të cilën lëviznin mjetet në atë aks rrugor.