Një aksident rrugor është regjistruar mbrëmjen e së mërkurës në autostradën Levan–Tepelenë, në afërsi të fshatit Poçem. Sipas informacioneve paraprake, përplasja ka ndodhur midis dy automjeteve të tipit Ford, të cilat janë goditur kokë më kokë.
Menjëherë pas njoftimit, shërbimet e Policisë së Shtetit kanë mbërritur në vendin e ngjarjes për të siguruar zonën dhe për të menaxhuar qarkullimin rrugor. Dy personat e lënduar janë dërguar me urgjencë drejt Spitalit Rajonal të Fierit, ku ndodhen nën kujdesin e stafit mjekësor.
Grupi hetimor ndodhet në vendngjarje dhe po punon për të zbardhur rrethanat e plota të aksidentit dhe shkaqet që çuan në këtë përplasje.