Katër tifozë shqiptarë u arrestuan të martën në territorin e Serbisë nën dyshimin se kishin shpalosur bluza me motive kombëtare.
Policia serbe i ka mbajtur në ndalim për akuzën e nxitjes së urrejtjes dhe intolerancës kombëtare, racore dhe fetare. Tifozët pritet të dalin nesër para gjykatës serbe.
Lajmin e bëri të ditur deputeti i Partisë Socialiste, Taulant Balla. Ai shkroi se ka ndjekur çështjen dhe është informuar nga Ambasada e Shqipërisë në Beograd mbi katër të rinjtë e ndaluar. «Kam ndjekur dhe jam informuar nga Ambasada jonë në Beograd mbi katër djemtë tanë të ndaluar atje dhe procesin gjyqësor nesër. Më shumë informacion nesër», shtoi Balla në një postim në Facebook.