Këshilli i Ministrave, në mbledhjen e mbajtur më 11 shkurt 2026, miratoi vendimin për indeksimin e pagave me 2.5% për disa kategori në administratën publike.
Nga ky indeksim përfitojnë punonjësit e Shërbimit të Mbrojtjes nga Zjarri dhe Shpëtimit, punonjësit e pushtetit vendor, ushtarakët me mision jashtë vendit, si dhe personali i misioneve diplomatike shqiptare në vende të huaja.
Vendimi përbën ndryshim në vendimin nr. 419, datë 26 qershor 2024, "Për miratimin e vlerave për secilin element përbërës të pagës bruto mujore të punonjësve të Shërbimit të Mbrojtjes nga Zjarri dhe Shpëtimit". Ai mbështetet në nenin 100 të Kushtetutës, ligjin nr. 35/2023 "Për kompetencat për caktimin e pagave", dhe ligjin nr. 152/2015 "Për Shërbimin e Mbrojtjes nga Zjarri dhe Shpëtimin", me propozim të ministrrit të Shtetit për Administratën Publike dhe Antikorrupsionin.
Detajet për zjarrfikësit
Vlerat e elementit "paga për gradë" rezultojnë nga indeksimi me 2.5% dhe politika e rritjes së pagave për këto grada:
- Asistent zjarrfikës
- Zjarrfikës
- Kryezjarrfikës
- Nënkomisar zjarrfikës
- Komisar zjarrfikës
Për gradat e tjera zbatohet vetëm indeksimi me 2.5%.
Efektet financiare për vitin 2026 përballohen nga buxheti i institucioneve përkatëse dhe ai i pushtetit vendor. Vendimi hyn në fuqi pas botimit në Fletoren Zyrtare dhe llogaritet nga 1 janari 2026.
Përditësime
Këshilli i Ministrave specifikoi referencën në Ligjin nr. 87/2025 "Për buxhetin e vitit 2026" për efektet financiare të indeksimit të pagave me 2.5%, duke cituar shkronjat 'a' dhe 'b', pika 2, neni 8 të Ligjit 35/2023 dhe pika 1, shkronja 'a', pika 2, neni 31 të Ligjit 152/2015. Pikat 1–3 të vendimit zëvendësojnë lidhjen nr. 1 dhe detajojnë vlerat e pagave për zjarrfikësit dhe të tjerët.
Këshilli i Ministrave miratoi ndryshime në VKM nr. 328, datë 31.5.2023, për klasifikimin e funksioneve dhe kufijtë e pagave në pushtetin vendor.
- Kufiri minimal i pagës administrative në bashki: 50.000 lekë.
- Fasha e pagave bazë për punonjësit administrativë: 50.000–57.000 lekë muajore, me rritje në dysheme për nivelet më të ulëta.
- Rritje dhe indeksim 2.5% për klasat III-1 deri IV-4 (specialistë dhe nivele ekzekutive të mesme/ulëta).
- Vetëm indeksim 2.5% për klasat e larta I-2 deri II-2 (drejtorë, përgjegjës sektorësh).