Këshilli i Ministrave zhvilloi në 28 janar 2026 mbledhjen e radhës dhe miratoi vendimin për krijimin e bazës së të dhënave shtetërore Regjistri Qendror i Bazës së të Dhënave të Pasurive të Paluajtshme (Kadastra fiskale).
Vendimi mbështetet në nenin 100 të Kushtetutës dhe pikat 1 e 2 të nenit 4 të ligjit nr. 10325, datë 23.9.2010, "Për bazën e të dhënave shtetërore", me propozim të ministrrit të Financave.
Objektivat e vendimit
Vendimi ka për objekt:
- krijimin e regjistrit dhe përcaktimin e autoritetit përgjegjës për administrimin e tij;
- përcaktimin e të dhënave të nevojshme për administrimin e taksës mbi ndërtesën, si dhe rregullat për mbledhjen dhe menaxhimin e tyre.
Krijimi dhe administrimi
Regjistri krijohet nga Drejtoria e Përgjithshme e Taksës së Pasurisë (DPTP), në bashkëpunim me Agjencinë Kombëtare të Shoqërisë së Informacionit, në përputhje me legjislacionin përkatës. DPTP-ja do ta administrojë atë.
Qëllimi është zbatimi i legjislacionit në fuqi dhe miradministrimi i taksës mbi ndërtesën.
Të dhënat e përfshira
Regjistri përmban të dhëna për:
- ndërtesat dhe njësitë e ndërtesave;
- pronarët, zhvilluesit dhe përdoruesit e njësive të ndërtesave, në funksion të përgjegjësisë tatimore, detyrimeve dhe përjashtimeve nga taksa;
- zonat e vlerave, duke përfshirë kufijtë gjeografikë.
Përditësime
Bashkitë detyrohen të përdorin Kadastrën Fiskale për administrimin e taksës mbi ndërtesë nga 10 shkurt 2026.
Sistemi ndërvepron me bazat shtetërore të të dhënave, si Kadastrën, Gjendja Civile, Tatimet dhe OSHEE.
- Këshilli i Ministrave shfuqizoi vendimin e 2018-ës për regjistrin e mëparshëm.
- Bashkitë marrin përgjegjësinë për regjistrimin dhe korrigjimin e të dhënave në territorin e tyre.
- DPTP mbikëqyr dhe asiston bashkitë në proces.
- Kadastro fiskale përfshin të dhëna shtesë: vlerën taksueshme, shkallët e taksës, gjobat dhe pagesat.
- Ndërveprime të reja me Regjistrin e Biznesit dhe e-Leje.