Këshilli Gjyqësor i Kosovës (KGJK) në mbledhjen e 368-të, të mbajtur të enjten, caktoi datat kur gjyqtarët e Gjykatës Supreme me Dhomat e Posaçme dhe të Gjykatës së Apelit do të votojnë për zgjedhjen e anëtarëve të rinj të KGJK-së nga radhët e këtyre gjykatave.
Data 23 janar 2025, në ora 10:00, është caktuar për zgjedhjen e dy anëtarëve nga Gjykata Supreme. Ndërsa 27 janar 2025, në të njëjtën orë, për një anëtare nga Gjykata e Apelit dhe dhomat e shkallës së dytë të Gjykatës Komerciale.
Kandidatët
• Për dy pozita nga Gjykata Supreme: Mejreme Memaj, Bashkim Hyseni, Franciska Zhitija dhe Rrustem Thaqi.
• Për një pozicion nga Gjykata e Apelit: Mirlinda Bytyqi-Rexhepi dhe Afërdita Bytyqi.
Zëvendëskryesuesja e KGJK-së, Arjeta Sadiku, propozoi këto data. Ajo njoftoi se kandidatët e vetnominuar plotësojnë të gjitha kushtet për të aplikuar në këto pozita.