Kiana Kryeziu dhe Drin Kokaj do të përfaqësojnë Kosovën në Lojërat Olimpike Dimërore Milano Cortina 2026, që mbahen në Itali nga 6 deri më 22 shkurt 2026. Komiteti Olimpik i Kosovës e bëri të ditur këtë të hënën, 19 janar 2026.
Kiana Kryeziu ka siguruar kualifikimin në tri disiplina të skijimit alpin: sllallom, sllallom të madh dhe super sllallom të madh. Për të, kjo do të jetë paraqitja e dytë olimpike pas Pekin 2022.
Drin Kokaj u kualifikua në disiplinën e sllallomit. Për të, Milano Cortina 2026 shënon debutimin olimpik.
Në garë për kualifikim ishin edhe Lirika Deva, që plotësoi kriteret në sllallom dhe sllallom të madh, si dhe Klos Vokshi në sllallom të madh. Sipas rregullave olimpike, Kosova përfaqësohet me nga një garues për secilën gjini. Kryeziu u përzgjodh për shkak të numrit më të madh të disiplinave, ndërsa Kokaj kishte pikë më të ulëta se Klos Vokshi në sllallom.
Përditësime
Rregullat olimpike lejojnë deri në dy garues për gjini në Milano Cortina 2026, jo një siç thuhej në artikull.
Ismet Krasniqi, president i KOK, deklaroi mbështetje për Kiana Kryeziu dhe Drin Kokaj përmes bursash olimpike dhe kampesh stërvitore.
Trajnerët e tyre janë:
- Agim Popoci për Drin Kokaj;
- Visar Kryeziu për Kiana Kryeziu.
Milaim Kelmendi, kryetar i Federatës së Skijimit, vlerësoi përgatitjen e tyre si më të mirën deri tani dhe pret rezultate të larta.
Konferenca për shtyp pasoi njoftimin fillestar.
Presidentja Vjosa Osmani dorëzoi flamurin e Kosovës te Kiana Kryeziu dhe Drin Kokaj, duke i uruar suksese. Kryeziu, e lindur më 11 nëntor 2004, do ta bartë flamurin në ceremoninë e hapjes së Lojërave Olimpike Dimërore Milano Cortina 2026. Një video tregon momentin.