Këshilli i Lartë Gjyqësor (KLGJ), në mbledhjen plenare të zhvilluar të premten më 10 korrik 2026, vendosi të mos pranojë aplikimet e 10 juristëve që kishin shërbyer më parë në Komisionin e Pavarur të Kualifikimit (KPK). Mes tyre është edhe Pamela Qirko, ish-anëtare dhe ish-kryetare e këtij komisioni, e cila synonte emërimin në Gjykatën e Apelit të Juridiksionit të Përgjithshëm pas përfundimit të mandatit të saj kushtetues.
Së bashku me Pamela Qirkon, KLGJ rrëzoi edhe kërkesat e kolegëve të saj të tjerë:
- Suela Zhegu
- Firdes Shuli
- Alma Faskaj
- Brunilda Bekteshi
- Olsi Komici
- Valbona Sanxhaktari
- Xhensila Pine
- Etleda Çiftja
- Roland Ilia
Vendime të tjera të KLGJ-së
Në të njëjtën seancë, Këshilli trajtoi disa çështje të tjera të rendit të ditës:
- Miratoi raportin e vlerësimit etik dhe profesional për gjyqtaren Brunilda Kadi për vitin 2024.
- Shtyu shqyrtimin e projektvendimit për vlerësimin e gjyqtarit Adrian Shega (periudha 2021-2023).
- Caktoi relatorin për procedimin disiplinor ndaj magjistrates Suela Dashi.
- Miratoi zgjatjen e afatit të delegimit dhe ricaktimin e gjyqtarit Sokol Ibi në Gjykatën Administrative të Apelit.
Përditësime
Në kuadër të mbledhjes së sotme, Këshilli i Lartë Gjyqësor (KLGJ) vendosi mbi disa çështje administrative:
• Zëvendësoi nëpunësen përgjegjëse për vlerësimin, Merita Karaj.
• Ndërpreu procedurën e verifikimit për kandidaten Kledjana Llalla, pa një vendim përfundimtar.
• Shtyu shqyrtimin e rishpërndarjes së fondeve buxhetore për gjykatat për vitin 2026.
• Miratoi procesverbalet e mbledhjeve të datave 29 prill dhe 6 maj 2026.