Kombëtarja shqiptare do të mësojë kundërshtarët në edicionin e ri të UEFA Nations League pas dy ditësh.
Shorti zyrtar zhvillohet të enjten, më 12 shkurt, në Bruksel, në orën 18:00. Po në të njëjtën ditë, në Bruksel, nga ora 10:00, mbahet Kongresi i 50-të i UEFA-s.
Kombëtarja shqiptare është pozicionuar në Vazon 1 të Ligës C, së bashku me Islandën, Malin e Zi dhe Kazakistanin. Shorti përcakton rrugëtimin e Shqipërisë dhe ekipet kundërshtare në këtë edicion.
Rrugëtimi i Shqipërisë në UEFA Nations League pritet të nisë në shtator 2026. Ndeshjet e fazës së grupeve programohen si vijon:
• E para: 24-26 shtator;
• E dyta: 27-29 shtator;
• E treta: 30 shtator - 3 tetor;
• E katërta: 4-6 tetor;
• E pesta: 12-14 nëntor;
• E fundit: 15-17 nëntor.