Në mbledhjen e mërkurën të Komisionit Parlamentar për Integrime Evropiane në Prishtinë, deputetët diskutuan planin e punës për sesionin pranveror, duke theksuar nevojën për stabilitet institucional para hapave të tjerë në integrimin evropian.
Kryetarja e komisionit, deputetja e Lidhjes Demokratike të Kosovës (LDK), Hykmete Bajrami, shprehu shqetësim për jetëgjatësinë e legjislaturës së dhjetë pas mospajtimeve politike për zgjedhjen e presidentit. Ajo vuri në dukje se kanë mbetur 27 ditë afat kushtues për zgjedhjen e kryetarit të shtetit dhe sugjeroi që thirrja e ambasadorëve të Bashkimit Evropian të shtyhet derë në maj, pas zgjidhjes së kësaj çështjeje. Bajrami e cilësoi stabilitetin institucional si prioritet mbi prioritete dhe kusht për integrimin në BE. Ajo kërkoi gjithashtu raport nga kryenegociatori Jeton Zulfaj gjatë këtij muaji për agjendën e reformave, progresin e ministrive dhe pengesat në zbatim. Ajo sugjeroi raportim të paktën njëherë në muaj nga ministrat e relevants.
Depetetja e Lëvizjes Vetëvendosje (LVV), Liza Gashi, u shpreh e hapur për zgjedhjen e presidentit dhe theksoi nevojën për një tryezë të përbashkët me të gjithë ambasadorët e BE-së. Ndërkaq, deputetja e Aleancës për Ardhmërinë e Kosovës (AAK), Time Kadrijaj, parashtroi kërkesa për më shumë transparencë nga qeveria në procesin integrues.
Në fund të mbledhjes, komisioni miratoi planin e punës për sesionin pranveror.