Komuna e Prishtinës ka dhënë lejen zyrtare platformës qytetare “Liria ka Emër” për organizimin e marshit qytetar më 17 shkurt, duke filluar nga ora 14:00.
Leja është lëshuar për përdorimin e hapësirës publike të kërkuar nga organizatorët, në përputhje me legjislacionin në fuqi. Kjo garanton mbarëvajtjen e aktivitetit në mënyrë paqësore dhe të rregullt.
Marshi mban moton “Drejtësi, jo politikë” dhe shërben si thirrje për drejtësi të paanshme ndaj ish-krerëve të Ushtrisë Çlirimtare të Kosovës, të cilët po mbahen në paraburgim në Hagë për më shumë se pesë vite.
Platforma “Liria ka Emër” u bën thirrje qytetarëve të Prishtinës dhe të mbarë Kosovës të bashkohen në këtë marsh paqësor. Ky aktivitet synon respektimin e parimeve të drejtësisë, dinjitetit njerëzor dhe ndarjen e drejtësisë nga politika, sipas njoftimit zyrtar.