Ngjarja ka ndodhur ndërsa Ismet Domeri ishte duke kullosur bagëtinë në një zonë malore. Sipas informacioneve, për shkak të temperaturave të larta, 69-vjeçari ka humbur ekuilibrin dhe është rrëzuar në terren të vështirë.
I dëmtuari u gjet nga persona që ndodheshin në zonë, të cilët njoftuan menjëherë shërbimet e emergjencës. Ai u dërgua fillimisht në urgjencën e Spitalit të Sarandës, ku mjekët konstatuan trauma të rënda në pjesën e kokës dhe kraharorit.
Për shkak të gjendjes së tij shëndetësore, mjekët vendosën për transferimin e tij me helikopter drejt Spitalit Universitar të Traumës në Tiranë për trajtim të specializuar. Rrethanat e plota të incidentit mbeten në fazën e verifikimit.