Marta Kos, komisionerja evropiane për zgjerim, tha se Serbia nuk do të mund të përparojë në rrugën drejt Bashkimit Evropian nëse nuk vendos sanksione ndaj Rusisë dhe nuk përafrohet me qëndrimin e BE-së për politikën e jashtme dhe të sigurisë. Ajo iu përgjigj pyetjes nëse Serbia mund të anëtarësohet në BE pa vendosur sanksione ndaj Rusisë.
“Një vend që nuk përafrohet me ne për çështje me interes strategjik, si politika e jashtme dhe ajo e sigurisë, përkatësisht lufta e përbashkët kundër Rusisë, veçanërisht në kontekstin e luftës ruse në Ukrainë, nuk do të mund të përparojë. Kjo do të jetë shumë, shumë e vështirë”, tha Kos.
Ajo shtoi se Bashkimi Evropian ende nuk ka nisur bisedimet me qeverinë e re të Serbisë. Sipas saj, fillimisht duhet të formohet qeveria e re dhe më pas do të shihet nëse dhe si mund të vazhdojnë bisedimet në këtë fushë.
Deklarata u bë në një intervistë të posaçme për TVP World, të publikuar më 27 tetor. Kos iu përgjigj pyetjes nëse Serbia mund të anëtarësohet në BE pa iu bashkuar sanksioneve të bllokut ndaj Rusisë.