Ministria e Industrisë, Ndërmarrësisë, Tregtisë dhe Inovacionit (MINTI) ka zyrtarizuar marrëveshjen pesëvjeçare për projektin "Transformimi i Gjelbër i Ndërmarrjeve Private në Kosovë" (GPEK). Ky projekt do të zbatohet gjatë periudhës 2026–2031 dhe synon modernizimin e sektorit privat përmes praktikave të qëndrueshme mjedisore.
Buxheti total prej 8.78 milionë frangash zvicerane do të orientohet drejt ndërmarrjeve të vogla dhe të mesme, me synimet kryesore:
• Rritjen e konkurrueshmërisë dhe qëndrueshmërisë klimatike të bizneseve;
• Nxitjen e përdorimit të teknologjive të pastra dhe rritjen e efikasitetit të burimeve;
• Krijimin e mundësive të reja për zhvillim ekonomik dhe vende të punës;
• Fuqizimin e kategorive të nënpërfaqësuara në zhvillimin ekonomik.
Ministrja Mimoza Kusari-Lila deklaroi se ky transformim përputhet me prioritetet strategjike të ministrisë për rritje ekonomike afatgjatë. Ajo shprehu falënderime për Qeverinë e Zvicrës, SDC-në dhe SIDA-n për mbështetjen e vazhdueshme ndaj zhvillimit ekonomik të Kosovës.