Përfaqësuesja e Kosovës në futboll fitoi me rezultat 4-3 ndaj Sllovakisë në Bratislavë, në një ndeshje vendimtare që i mundësoi kualifikimin në finalen për biletën në Botërorin e futbollit.
Ndeshja ishte e tensionuar. Pas pjesës së parë, Kosova humbte me 1-2. Trajneri Franco Foda zbuloi se në pushim bisedoi me lojtarët, duke u kërkuar të ruajnë qetësinë dhe të kërkojnë golin e barazimit. Skuadra reagoi dhe triumfoi në fund.
Pas ndeshjes, Foda u shpreh i kënaqur: “Luajtëm mirë gjatë 90 minutave, sonte e merituam fitoren”. Ai vlerësoi paraqitjen e futbollistëve dhe nënvizoi se “Kosova e meriton këtë sukses”.
Skuadra do ta shijojë triumfin sonte, ndërsa nesër nis përgatitjet për finalen kundër Turqisë më 31 mars në Prishtinë. Kjo sfidë do të përcaktojë pjesëmarrjen në Botëror.