Pas shembjes së dheut në rrugën Don Shtjefën Kurti në Prishtinë më 29 mars 2026, ekipet e KOSTT dhe kompanisë së ujësjellësit rajonal KRU Prishtina kanë mbërritur në vendin e ngjarjes.
Ekipet e KOSTT kanë nisur punimet për rikthimin e energjisë elektrike, e cila u ndërpre si pasojë e incidentit në këtë lagje dhe në lagje të tjera. Sipas KOSTT-së, furnizimi me energji synohet të rikthehet brenda 2 orëve. Ekipet e KRU Prishtina pritet të nisin së shpejti punimet për rikthimin e furnizimit me ujë.
Për shkak të këtij incidenti, Prokuroria Themelore në Prishtinë ka intervistuar pronarin e kompanisë Klub Invest. Prokuroria nuk ka përjashtuar mundësinë e intervistimit të zyrtarëve të tjerë.
Komuna e Prishtinës ka pezulluar disa inspektorë.
Në vendin e shembjes janë të pranishëm edhe forcat e KFOR-it italian.