Mesfushori i Kombëtares shqiptare Kristjan Asllani ka refuzuar pesë oferta konkrete për transferim, sipas mediave italiane.
Ai nuk përfshihet në planet e Torinos, nga ku pritet të largohet, dhe as në ato të Interit, i cili po synon t’i gjejë një destinacion tjetër në vijim të edicionit aktual. Sipas gazetës La Stampa, Asllani nuk është bindur nga propozimet e deritanishme.
Ofertat e refuzuara përfshijnë:
• Girona nga La Liga;
• Paris FC nga Liga 1;
• Sassuolo nga Serie A;
• Parma nga Serie A;
• Cagliari nga Serie A.
Ndërkohë, interesimi i ri vjen nga Genoa, ku trajneri De Rossi kërkon një lojtar me karakteristikat e Asllanit për mesfushën. Palët nuk kanë nisur ende bisedime konkrete, por kjo ofertë konsiderohet varianti më i mundshëm, nëse arrihet marrëveshje.