Albin Kurti, kryeministër i Republikës së Kosovës, pranoi një letër urimi nga kancelari i Republikës Federale të Austrisë, Christian Stocker, për mandatin e ri qeverisës.
Në letër, kancelari Stocker shkruan: «Dua gjithashtu t’ju përgëzoj për formimin e qeverisë suaj të re dhe t’ju uroj suksese në legjislaturën e re, veçanërisht lidhur me përparimin e vazhdueshëm drejt integrimit në Bashkimin Evropian dhe marrëdhëniet e fqinjësisë së mirë. Austria ka qenë mbështetëse e Republikës së Kosovës që nga themelimi i saj dhe do të vazhdojë ta mbështesë Kosovën në rrugën e saj evropiane».
Stocker theksoi se, në kohë gjeopolitikisht të trazuara, marrëdhëniet e forta ndërmjet vendeve dhe popujve janë më të rëndësishme se kurrë. Ai vlerësoi lartë rolin aktiv të diasporës kosovare në Austri dhe bashkëpunimin e ngushtë ekonomik ndërmjet dy vendeve.
Kancelari austriak shprehu pritshmëri për takime të reja me kryeministrin Kurti dhe e uroi atë me rastin e ditëlindjes së tij.