Kryesia e Kuvendit të Kosovës mblidhet të hënën për rendin e ditës së seancës plenare

Kryesia e Kuvendit të Kosovës mblidhet të hënën në orën 11:00 për të miratuar procesverbalin e mbledhjes së mëparshme dhe për të propozuar rendin e ditës së seancës plenare të radhës. Kjo mbledhje vjen pas vendimit të Gjykatës Kushtetuese, e cila hodhi poshtë dekretin për shpërndarjen e Kuvendit dhe i dha 34 ditë për përfundimin e procesit lidhur me Presidentin.

Seanca plenare parasheh miratimin e procesverbaleve nga seancat e mëparshme, deklarimet jashtë rendit të ditës dhe pyetjet parlamentare. Pika kryesore është shqyrtimi i projektligjeve për ratifikim marrëveshjesh ndërkombëtare:

• Projektligji nr.10/L-008: Ratifikimi i Marrëveshjes për qasje në Arsimin e Lartë dhe pranim për studime në Ballkanin Perëndimor.
• Projektligji nr.10/L-009: Ratifikimi i Amendamentit nr.3 të Marrëveshjes Financiare me Bashkimin Evropian për Programin IPA 2018.
• Projektligji nr.10/L-010: Ratifikimi i Amendamentit nr.2 të Marrëveshjes Financiare me Bashkimin Evropian për Programin IPA 2017.
• Projektligji nr.10/L-011: Ratifikimi i Marrëveshjes së Kredisë me Bankën Evropiane për Investime për Projektin e Energjisë Diellore Fotovoltaike në KEK – Porta Globale.
• Projektligji nr.10/L-012: Ratifikimi i Marrëveshjes së Kredisë me Bankën Evropiane për Rindërtim dhe Zhvillim (BERZh) për efiçencën e energjisë në ndërtesa publike.
• Projektligji nr.10/L-013: Ratifikimi i Marrëveshjes së Kredisë shtesë me Fondi Saudit për Zhvillim për Projektin e Rrugës me Shpejtësi të Lartë Prishtinë – Mitrovicë.
• Projektligji nr.10/L-014: Ratifikimi i Marrëveshjes së Kredisë me Bankën Evropiane për Rindërtim dhe Zhvillim.

Kuvendi u është rikthyer punimeve pas pezullimit të masës së përkohshme nga Gjykata Kushtetuese.