Kuvendi i Kosovës zhvilloi më 2 prill 2026 seancën plenare duke filluar nga ora 10:00. Në rend të ditës ishin 16 pika, ndër të cilat miratimi i procesverbaleve të seancave të mëparshme, deklarimet jashtë rendit të ditës dhe pyetjet parlamentare.
Deputetët shqyrtuan projektligjet për ratifikimin e marrëveshjeve ndërkombëtare:
- Projektligji nr.10/L-008 për Ratifikimin e Marrëveshjes për qasje në Arsimin e Lartë dhe pranim për studime në Ballkanin Perëndimor;
- Projektligji nr.10/L-009 për Ratifikimin e Amendamentit nr.3 të Marrëveshjes Financiare ndërmjet Republikës së Kosovës dhe Bashkimit Evropian për Programin IPA 2018;
- Projektligji nr.10/L-010 për Ratifikimin e Amendamentit nr.2 të Marrëveshjes Financiare për Programin IPA 2017;
- Projektligji nr.10/L-011 për ratifikimin e Marrëveshjes së Kredisë me Bankën Evropiane për Investime për Projektin e Energjisë Diellore Fotovoltaike në KEK – Porta Globale;
- Projektligji nr.10/L-012 për ratifikimin e Marrëveshjes së Kredisë me BERZh, të përfaqësuar nga Ministria e Financave, Punës dhe Transfereve, për Projektin e Efiçencës së Energjisë në Ndërtesa Publike;
- Projektligji nr.10/L-013 për ratifikimin e Marrëveshjes së Kredisë me Fondi Saudit për Zhvillim për Projektin e Rrugës me Shpejtësi të Lartë Prishtinë – Mitrovicë (kredi shtesë);
- Projektligji nr.10/L-014 për ratifikimin e Marrëveshjes së Kredisë me BERZh për Projektin e Implantit për Trajtimin e Ujërave të Zeza në Podujevë.
Formimi i Komisioneve Ad-Hoc
Në rend të ditës ishte edhe formimi i komisioneve ad-hoc:
- Për përzgjedhjen e kandidatëve për gjashtë anëtarë nga komuniteti shqiptar, një anëtar nga komuniteti serb dhe një anëtar nga komunitetet jo shumicë në Bordin e Radiotelevizionit të Kosovës (RTK);
- Për përzgjedhjen e një anëtari të Komisionit të Pavarur të Mediave (KPM);
- Për përzgjedhjen e tre anëtarëve nga komuniteti shqiptar dhe dy anëtarëve jo shumicë në KPM.
Miratimet
Deputetët miratuan me 81 vota për, pa kundër apo abstenim, projektligjet nga nr.10/L-010 deri në nr.10/L-014, si dhe formimet e komisioneve ad-hoc. Gjithashtu, Grupi Parlamentar i Listës Serbe propozoi emërimin e deputetit Branislav Nikoliq në një komision.