Kuvendi i Kosovës mban seancë plenare sot me 12 pika në rend të ditës

Kuvendi i Kosovës mban seancën plenare të radhës sot, me fillim në ora 10:00.

Seanca përfshin 12 pika në rend të ditës, midis të cilave miratimi i rendit të ditës dhe i procesverbalit të seancës së mëparshme, deklarime jashtë rendit të ditës, pyetje parlamentare.

Marrëveshjet e kredisë për ratifikim

Pritet shqyrtimi dhe votimi i këtyre projektligjeve:

• 10/L-015: Ratifikimi i Marrëveshjes së Kredisë me Asociacionin Ndërkombëtar për Zhvillim për Projektin e Zhvillimit të Sektorit Financiar të Kosovës.
• 10/L-016: Ratifikimi i Marrëveshjes së Kredisë me Agjencinë Franceze për Zhvillim për Programin e Kredisë të Bazuar në Politika.
• 10/L-017: Ratifikimi i Marrëveshjes së Kredisë me KfW, Frankfurt am Main, për Programin e Kredisë të Bazuar në Politika në sektorin e Energjisë dhe Klimës.
• 10/L-018: Ratifikimi i Marrëveshjes së Kredisë me Asociacionin Ndërkombëtar për Zhvillim për Projektin "Lehtësimi i Tregtisë dhe Transportit në Ballkanin Perëndimor 2.0".

Çështje të tjera

• Votimi i Propozim-Rezolutës për rritjen e çmimeve të naftës, mungesën e ndërhyrjes së Qeverisë dhe ndikimin e drejtpërdrejtë në koston e jetesës, si dhe stabilitetin ekonomik të vendit.
• Zgjedhja e një anëtari joprokuror në Këshillin Prokurorial të Kosovës.
• Shqyrtimi i Propozim-Rezolutës për mbrojtjen e së vërtetës historike të luftës në Kosovë 1998–1999.
• Propozimi i grupeve parlamentare të PDK-së dhe AAK-së për emërimin e deputetëve në komisionet parlamentare.