Kuvendi i Kosovës do të mbajë seancë plenare të enjten, më 29 tetor, duke filluar nga ora 10:00, në sallën e Kuvendit. Sipas njoftimit të Drejtorisë për Media dhe Marrëdhënie me Publikun, rendi i ditës përmban gjashtë pika.
Seanca do të nisë me miratimin e procesverbaleve nga seancat e mëparshme, deklarimet jashtë rendit të ditës dhe pyetjet parlamentare.
Më pas, deputetët do të shqyrtojnë për herë të dytë Projektligjin nr. 11/L-013 për ndryshimin dhe plotësimin e Ligjit nr. 10/L-001 mbi ndarjet buxhetore për Buxhetin e Republikës së Kosovës për vitin 2026.
Në shqyrtim të dytë do të jetë edhe Projektligji nr. 11/L-006 për Byronë Shtetërore për Verifikimin dhe Konfiskimin e Pasurisë së Pajustifikueshme.
Pika e fundit është votimi i propozimit të Grupit Parlamentar të Listës Serbe për emërimin e deputetëve në komisionet parlamentare.