Kuvendi i Kosovës mban sot, më 27 prill 2026, një seancë plenare që pritet të nisë në orën 12:00. Në rendin e ditës janë shqyrtimi i disa projektligjeve dhe çështje me rëndësi institucionale dhe ekonomike, përfshirë emërimet në institucione të pavarura.
Sipas rendit të ditës, deputetët do të shqyrtojnë:
- Shqyrtimin e Projektligjit nr. 10/L-040 për ratifikimin e marrëveshjes ndërmjet Qeverisë së Republikës së Kosovës dhe Këshillit të Ministrave të Republikës së Shqipërisë për Lojërat Mesdhetare Prishtina 2030;
- Shqyrtimin e parë të Projektligjit nr. 10/L-031 për Energjinë;
- Shqyrtimin e parë të Projektligjit nr. 10/L-032 për Energjinë Elektrike;
- Shqyrtimin e parë të Projektligjit nr. 10/L-044 për Inspektoratin Qendror të Trashëgimisë Kulturore;
- Emërimin e tre anëtarëve të Këshillit Shtetëror të Cilësisë dhe Agjencisë së Kosovës për Akreditim;
- Shqyrtimin e propozim-vendimit të Qeverisë për formimin e Komisionit për dhënien e Provimit të Jurisprudencës;
- Emërimin e drejtorëve në Bordin e Agjencisë Kosovare të Privatizimit.
Një seancë në orën 9:00 do të mbahet në nderim të akademikut Rexhep Qosja, i cili vdiq të enjten e javës së kaluar.
Përditësime
Kuvendi i Kosovës ka nisur seancën plenare në orën 12:00.