Për shkak të zhvillimit të Garës Ndërkombëtare të Çiklizmit, autoritetet kanë njoftuar mbylljen e përkohshme të një korsie në disa segmente rrugore dhe autostrada për të garantuar sigurinë e pjesëmarrësve.
Sipas njoftimit zyrtar, kufizimet do të zbatohen sipas këtij orari:
• 5 qershor (e premte): Nga ora 13:00, mbyllet njëra korsi në autostradën “Arbën Xhaferi”. Gara nis nga sheshi “Metush Krasniqi” në Kamenicë në drejtim të Prishtinës, me kthim në kilometrin e 28-të.
• 6 qershor (e shtunë):
- Ora 09:00: Segmenti Ferizaj (Bibaj) – Lipjan – Hani i Elezit (73 km).
- Ora 11:30: Aksi Ferizaj – Hani i Elezit (32 km).
- Ora 13:00: Itinerari Ferizaj – Prishtinë – Hani i Elezit (95 km).
- Ora 16:00: Segmenti Ferizaj – Lipjan – Hani i Elezit (80 km).
• 7 qershor (e diel): Nga ora 10:00, mbyllet njëra korsi në segmentin Ferizaj – Podujevë – Trudë – Lipjan – Ferizaj – Hani i Elezit, me gjatësi totale prej 120 kilometrash.
Ministria e Infrastrukturës dhe Transportit u bën thirrje pjesëmarrësve në trafik që të tregojnë kujdes dhe të respektojnë udhëzimet e policisë përgjatë itinerarit të garës për të shmangur vonesat ose incidentet.