Ministrja e Arsimit dhe Sportit, Mirela Kumbaro, deklaroi pas mbledhjes së Këshillit të Ministrave se qeveria do të vazhdojë me të njëjtin intensitet integrimin e inteligjencës dhe teknologjisë në sistemin arsimor.
Ajo theksoi se strategjia e re parashikon projekte konkrete, si hapja e një liceu francez në Korçë, i cili do të ofrojë diplomë të dyfishtë të gjimnazit shqiptar dhe francez.
Reformat përfshijnë gjithashtu zhvillimin e një qendre teknologjike për diasporën, që do të vihet në dispozicion të saj dhe të të huajve që duan ta zgjedhin shqipen si gjuhë pune. Në arsimin e lartë, fokusi është te cilësia, me krijimin e mekanizmave kontrolli dhe hapjen e tregut universitar drejt bashkëpunimit ndërkombëtar.
Sipas saj, kjo do të mundësojë bashkëpunimin mes qeverisë shqiptare dhe universiteteve të huaja për hapjen e filialeve në Shqipëri, duke tërhequr studentë të rinj.
"Do të vazhdojë me të njëjtin intensitet integrimi i inteligjencës në sistemin arsimor. Kemi disa projekte konkrete në këtë drejtim, siç është hapja e liceut francez në Korçë. Do të jetë me dy diploma të diplomës së gjimnazit shqiptar dhe atij francez", tha Kumbaro.