Agjencia për Parandalimin e Korrupsionit publikoi deklarimin vjetor të pasurisë së kryeministrit të Kosovës Albin Kurti më 17 prill 2026.
Sipas deklarimit, Kurti ka 16,41 euro para të gatshme në emër të tij, ndërsa vitin e kaluar kishte 1.800 euro. Në emër të bashkëshortes figurojnë 19.500 euro nga paga dhe trashëgimi familjare, si dhe 2.000 euro plus 50 euro kursime të vajzës nga familjarët.
Qiraja e banesës u rrit në 350 euro në muaj nga 250 euro vitin e kaluar. Si pasuri e paluajtshme përmendet banesa në emër të bashkëshortes me vlerë 530 mijë euro. Nuk ka ndryshime në pasuritë e luajtshme.
Si borxh deklarohet kredia e bashkëshortes me vlerë të mbetur 160 mijë euro. Të hyrat vjetore përfshijnë 21.315 euro nga paga e Kurtit si kryeministër dhe 51 mijë euro të bashkëshortes.