Kryeministri i Kosovës, Albin Kurti, në një deklaratë për mediat më 6 mars 2026, kundërshtoi dekretin e presidentes Vjosa Osmani për shpërndarjen e Kuvendit. Ai vlerësoi se ky dekreti nuk është kushtetues.
Kurti shpjegoi se Kushtetuta parashikon shpërndarjen e Kuvendit vetëm pas dështimit të raundit të tretë të votimit për presidentin, brenda një afati maksimal prej 6 ditësh. "Nëse nuk zgjidhet pas 6 ditësh, atëherë të shpërndahet Kuvendi. Kjo dispozitë vendos afat maksimal. Duhet të ketë dështim të raundit të tretë që të ketë shpërndarje të Kuvendit", tha ai.
Sipas Kurtit, procedurën e ka filluar vetëm raundi i parë i votimit dhe nuk jemi ende në raundin e tretë. Ai nënvizoi se deputetët e legjislaturës së dhjetë nuk kanë mbushur as katër javë në detyrë. "Deputetët që u zgjodhën për katër vjet në legjislaturën e dhjetë nuk i mbushën as katër javë të detyrës së tyre", u shpreh Kurti.
Kryeministri insistoi se pa vendimmarrje nga Gjykata Kushtetuese, nuk mund të flitet për zgjedhje të reja. "Pa folur Gjykata Kushtetuese, nuk mund flasim për zgjedhje të reja. Nëse nuk zgjidhet Presidenti, Kuvendi nuk mund të shpërndahet. Dekreti për shpërndarjen e Kuvendit nuk është kushtetues", deklaroi ai. Kurti u bëri thirrje qytetarëve të presin me qetësi dhe durim, duke theksuar se qeveria do të vazhdojë punën si gjithmonë.