Kryeministri i Republikës së Kosovës, Albin Kurti, u takua me deputetët e Bundestagut gjerman Jurgen Hardt, Adis Ahmetovic, Carl-Philipp Sassenrath dhe Deborah Düring në kuadër të Konferencës së Sigurisë në Mynih më 14 shkurt 2026.
Gjatë takimit u diskutua thellimi i bashkëpunimit bilateral ndërmjet Kosovës dhe Gjermanisë. Zyra e Kryeministrit bëri të ditur se Kurti ftoi për rritjen e investimeve gjermane në Kosovë.
Sipas njoftimit, mandati i ri qeverisës do të fokusohet, ndër të tjera, në zhvillimin e infrastrukturës hekurudhore, ndërtimin e digave për ujë të pijshëm dhe stadiumeve, në funksion të organizimit të Lojërave Mesdhetare.
Kurti theksoi gjithashtu rëndësinë e avancimit të Kosovës drejt integrimit evropian, duke filluar nga marrja e statusit të vendit kandidat për anëtarësim në Bashkimin Evropian.