Ditën e diel, 8 mars 2026, Shqipëria do të ndikohet nga kushte atmosferike të paqëndrueshme. Moti parashikohet me vranësira mesatare deri të dendura, si dhe me alternime kthjellimesh, të cilat do të jenë më të theksuara në zonën e veriut.
Reshjet e shiut të herëpashershme, me intensitet të ulët, do të bëhen prezente që në orët e para të ditës në zonat e jugut dhe të qendrës. Në jug, prej orëve të mesditës, reshjet priten në periudha afatshkurtra në formën e shtrëngatave.
Në zonën e veriut, reshjet e shiut do të jenë të izoluara, kryesisht në formë pikash dhe më të dukshme në relievet e larta malore.
Era do të fryjë me drejtim juglindje–jugperëndim, me shpejtësi mesatare 7 m/s. Deti parashikohet me valëzim të forcës 1-2 ballë.
Përditësime
Vizion Plus parashikon për të dielën temperatura maksimale deri në 17°C dhe minimale në 2°C.