Për ditën e enjte, 4 qershor 2026, territori i vendit parashikohet të ndikohet nga kushte atmosferike të paqëndrueshme. Gjatë orëve të para të ditës dhe deri në mesditë, moti do të mbizotërohet nga vranësira mesatare dhe të dendura.
Reshjet e shiut, të cilat do të jenë të pranishme deri në orët e mëngjesit, do të kenë intensitet të ulët deri mesatar. Përgjatë ultësirës perëndimore, reshjet do të shfaqen në formën e shtrëngatave afatshkurtra, të shoqëruara me shkarkesa elektrike. Në pjesën tjetër të territorit, intensiteti i reshjeve do të mbetet i ulët, ndërsa gjatë ditës priten reshje të herëpashershme në zonat malore.
Pas orëve të mesditës, moti do të paraqitet me alternime kthjellimesh dhe vranësirash, ndërsa pas orëve të pasdites pritet ndërprerje graduale e reshjeve në të gjithë territorin. Moti do të vijojë kryesisht i kthjellët me vranësira të pakta deri mesatare kalimtare.
Era do të fryjë në drejtimin juglindje-jugperëndim, me një shpejtësi mesatare prej 6 m/s. Për sa i përket detit, valëzimi në detet Adriatik dhe Jon parashikohet të jetë i forcës 2-4 ballë.
Përditësime
Sipas Institutit të Gjeoshkencave, për ditën e enjte, 4 qershor 2026, temperaturat do të luhaten nga një minimum prej 10°C deri në një maksimum prej 27°C gjatë orëve të mesditës.