Gjykata Kushtetuese shpall sot vendimin për kërkesën e Evis Berberit, ish-kreut të Agjencisë së Rendit dhe Sigurimit Rrugor (ARRSH). Mbledhja në këtë gjykatë ka nisur këtë të enjte, 26 mars 2026.
Berberi kërkon shpalljen e pavlefshme të të gjitha komunikimeve të nxjerra nga celularët e sekuestruar. Këto komunikime janë përdorur si prova nga Struktura e Posaçme Kundër Korrupsionit dhe Krimit të Organizuar (SPAK).
Ndër komunikimet e përmendura dallohet shkëmbimi mes Evis Berberit dhe ish-zëvendëskryeministres Belinda Balluku. Për të cilën Prokuroria e Posaçme ka kërkuar arrestimin.
Evis Berberi ndodhet pas hekurave. Ai akuzohet për përfshirje në raste korruptive që lidhen me 8 tendera me vlerë miliona eurosh.
Përditësime
Gjykata Kushtetuese rrëzoi kërkesën e Berberit për shfuqizimin e masës së sigurisë "arrest me burg".
Gjykata nuk shqyrtoi pretendimet për paligjshmëri të provave nga celularët; Berberi duhet të drejtohet në Gjykatën e Shkallës së Parë.
Berberi u arrestua më 14 mars 2024, pas kontrollit të BKH-së në banesën e tij një muaj më parë, ku u sekuestruan 4 telefona, pajisje kompjuterike dhe dokumente.
Provat, kryesisht nga telefoni i Adela Ruko, çuan në hetime kundër Ballukut për tunelin e Llogarasë, 7 lotet e Unazës së Madhe dhe 3 tenderë të tjerë.