Kuvendi i Kosovës nesër mban dy seanca plenare. Seanca e parë fillon në ora 10:00 dhe është ceremoni përkujtimore në nderim të kongresmenit amerikan Eliot Engel. Seanca e dytë nis në ora 11:00 dhe përfshin 10 pika të rendit të ditës.
Rendi i ditës për seancën e dytë
- Miratimi i procesverbalit nga seanca e mëparshme;
- Deklarimet jashtë rendit të ditës;
- Pyetjet parlamentare;
- Shqyrtimi i Projektligjit nr. 10/L-034 për Ratifikimin e Amendamentit Nr. 2 të Marrëveshjes Financiare ndërmjet Republikës së Kosovës dhe Bashkimit Evropian për Programin IPA 2020;
- Shqyrtimi i Projektligjit nr. 10/L-035 për Ratifikimin e Amendamentit Nr. 1 të Marrëveshjes Financiare ndërmjet Republikës së Kosovës dhe Bashkimit Evropian për programin IPA 2019, pjesa e dytë, objektivi 1;
- Zgjedhja e anëtarëve të Këshillit Gjyqësor të Kosovës;
- Zgjedhja e anëtarëve të Bordit të Radiotelevizionit të Kosovës;
- Zgjedhja e anëtarëve në Komisionin e Pavarur të Mediave;
- Shqyrtimi i Propozim-rezolutës për avancimin e përkujdesjes institucionale ndaj komunitetit shqiptar në Preshevë, Medvegjë e Bujanoc, në përputhje me standardet evropiane;
- Propozimi i Grupit parlamentar “Multietnik” për zëvendësimin e deputetëve në komisione parlamentare.
Përditësime
Kuvendi i Kosovës filloi seancën solemne në orën 10:00 në nderim të ish-kongresistit Eliot Engel.
- Kryeministri Albin Kurti tha se e takoi Engel-in për herë të parë në 1997 dhe e citoi nga një fjalim i tij në 1999.
- Albulena Haxhiu theksoi rolin e Engel-it në mbrojtjen e Kosovës.
- Deputetët mbajtën një minutë heshtje në nderim të tij.