Kuvendi i Shqipërisë mblidhet këtë të enjte, 23 prill 2026, në orën 10:00, në seancë plenare me rend dite të ngarkuar. Seanca nis me miratimin e procesverbalëve të mbledhjeve të datave 9 prill dhe 16 prill 2026, si dhe me njoftime procedurale.
Interpelancat me ministrat
Opozita ka kërkuar 6 interpelanca ndaj anëtarëve të qeverisë. Dy urgjente parashikohen me Ministrin e Mbrojtjes, Ermal Nufi, dhe me Ministren e Arsimit, Mirela Kumbaro, të kërkuara nga një grup deputetësh të Grupit Parlamentar të Partisë Demokratike.
Ministrja e Shëndetësisë dhe Mirëqenies Sociale, Evis Sala, do të përballet me tre interpelanca: nga deputeti Kliti Hoti, deputeti Bardh Spahia dhe deputetja Erisa Xhixho, lidhur me situatën në spitale, përfshirë Onkologjikun.
Gjithashtu, interpelancë parashikohet me Ministrin e Bujqësisë dhe Zhvillimit Rural, Andis Salla, e kërkuar nga deputeti Zija Ismaili, për shqetësimet e fermerëve në zonën e Beratit.
Pyetje-përgjigje
Deputetja Jorida Tabaku ka kërkuar seancë pyetje-përgjigje me Ministrin e Financave, Petrit Malaj, në lidhje me rivlerësimin e pasurive të paluajtshme.
Projektligjet për shqyrtim
Seanca do të trajtojë këto projektligje:
- "Për lirinë e vendosjes dhe ofrimit të shërbimeve në Republikën e Shqipërisë".
- "Për krijimin e Agjencisë Kombëtare të Shërbimeve Arsimore".
- Ndryshime dhe shtesa në ligjin "Për etiketimin e produkteve me ndikim në energji".
- Për ratifikimin e Konventës Shumëpalëshe "Për lehtësimin e zbatimit të shtyllës së dytë, subjekt i rregullit tatimor".
- Shtesa në ligjin "Për taksat kombëtare".
- Ndryshime në ligjin "Për Gardën e Republikës së Shqipërisë".
Përditësime
Seanca e Kuvendit po zhvillohet live.
Zhvillimet kryesore:
- Interpelanca ndaj Mirelës Kumbaro fokusohet në kriterin e ri për mësuesit diplomuar para 2011-s që kërkojnë licencë.
- Tre interpelancat ndaj Evis Salës diskutohen sëbashku për Onkologjikun dhe shërbimet spitalore.