Kuvendi i Shqipërisë mblidhet sot, më 22 janar 2026, në orën 10:00, në seancë plenare për të shqyrtuar dhe miratuar projektligjin "Për ratifikimin e marrëveshjes së pranimit të Republikës së Shqipërisë, përfaqësuar nga Kryeministri Edi Rama, në Kartën e Bordit të Paqes".
Kryetari i Kuvendit Niko Peleshi ka lëshuar urdhrin për thirrjen e seancës. Marrëveshja kërkon shumicë absolute votash për miratim. Seanca nis me fjalën e nismëtarit, vijon me shprehjen e komisionit përgjegjës për Europën dhe Punët e Jashtme, pastaj diskutime, pyetje dhe votim.
Pjesëmarrja e Shqipërisë në Bordin e Paqes konsiderohet zhvillim me rëndësi të veçantë për politikën e jashtme dhe diplomacinë e vendit. Për këtë arsye, projektligji shqyrtohet me procedurë të përshpejtuar, sipas nenit 83, pika 2, të Kushtetutës.
Këshilli i Ministrave ka miratuar në parim marrëveshjen ditën e djeshme.
Përditësime
Kuvendi miratoi shqyrtimin e projektligjit për Bordin e Paqes me procedurë të përshpejtuar (80 vota pro).
- Seanca u ndërpre dhe rizbatohet pas një ore.
- Partia Demokratike pritet të votojë pro, pavarësisht kundërshtimit për procedurën.
- Nismëtari: Taulant Balla, kreu i grupit parlamentar të PS-së.
- Efektet financiare: kontribute vullnetare nga shtetet anëtare, jo të parashikuara në buxhet.