Kuvendi i Shqipërisë miratoi më 22 janar 2026 me 110 vota pro Projektligjin “Për ratifikimin e marrëveshjes së pranimit të Republikës së Shqipërisë, përfaqësuar nga Kryeministri Edi Rama, në Kartën e Bordit të Paqes”.
Ministrja për Europën dhe Punët e Jashtme, Elisa Spiropali, u shpreh se ky hap konfirmon vizionin dhe peshën e re të Shqipërisë në arkitekturën ndërkombëtare si aleat dhe faktor për paqe, siguri e stabilitet.
Ajo theksoi se Kuvendi konfirmoi një zhvillim domethënës që forcon zërin e Shqipërisë në skenën globale, me përgjegjësi, dinjitet dhe vizion për të lartësuar emrin e Shqipërisë dhe të shqiptarëve.