Më 7 shkurt 2026, në orën 14:00, ndeshja midis Rajo Vajekanos dhe Real Oviedos, e planifikuar në stadiumin Vallecas, u shty nga La Liga.
Vendimi u mor për të siguruar integritetin fizik të lojtarëve, pasi fusha e lojës nuk plotësonte kushtet e nevojshme të sigurisë. Kjo situatë erdhi pas shiut të vazhdueshëm, i cili rëndoi kushtet e stadiumit.
Rajo Vajekano ndërmori zëvendësim të plotë të barit të fushës gjatë kësaj jave, me qëllim që ndeshja të zhvillohej sipas planit. Megjithatë, kushtet e këqija të motit gjatë punimeve dhe parashikimi i shiut të vazhdueshëm penguan arritjen e gjendjes optimale të fushës.
La Liga monitoroi vazhdimisht procesin e mirëmbajtjes, duke bashkëpunuar me klubin. Të dyja palët shfrytëzuan të gjitha mundësitë për të zhvilluar ndeshjen deri në momentin e fundit, por gjendja aktuale e fushës dhe moti e bënë të pamundur garantimin e sigurisë.
Kjo ndodh pak kohë pasi futbollisti i Kombëtares shqiptare Ivan Balliu dhe shokët e tij protestuan për kushtet e punës në klub.