Lara Colturi ka mbyllur lëshimin e parë të disiplinës slalom në vendin e shtatë në Lojërat Olimpike Dimërore Milano Cortina 2026, në pistën e Cortina d'Ampezzo në Itali. Ajo u nis e para dhe regjistroi kohën 48.39 sekonda, 1.26 sekonda pas lideres Mikaela Shiffrin të Shteteve të Bashkuara, në një garë me 95 skiatore.
Kjo performancë e ka kualifikuar Colturin për lëshimin e dytë, që zhvillohet në orën 13:30. Italo-shqiptarja ka arritur katër podiume në Kupën e Botës këtë sezon, me dy vende të dyta dhe dy vende të treta.
Më parë, Colturi u rendit e 16-ta në slalomin gjigant. Shqipëria përfaqësohet nga katër sportistë në këtë edicion: Lara Colturi, Denni Xhepa (i cili ka mbaruar garën), Semire Dauti dhe Lisa Brunga. Dyja të fundit do të garojnë në lëshimin e parë si e 78-ta dhe e 84-ta në listë, me synim kualifikimin në lëshimin e dytë. Ato janë 17 dhe 18 vjeçe.
Kiana Kryeziu e Kosovës garon si e 85-ta. Kjo është gara e fundit për Shqipërinë në këto lojëra.
Përditësime
Lara Colturi përfundoi slalomin në vendin e 10-të me kohën totale 1'41"78 (mani i dytë: 53"39), duke arritur rezultatin më të mirë historik të Shqipërisë në Olimpiadën Dimërore Milano-Cortina 2026.
Mikaela Shiffrin fitoi me 1'39"10.
- Lisa Brunga u diskualifikua nga gjyqtarët pas manisë së parë.
- Semire Dauti nuk përfundoi garën pasi doli jashtë shtegut.
Lisa Brunga regjistroi 57.58 sekonda në zbritjen e parë para diskualifikimit.
Pjesëmarrja shqiptare me katër skiatorë është për herë të parë në një Olimpiadë Dimërore.
Semire Dauti u tërhoq pas gabimit në sektorin e dytë të pistës.