Lëvizja Vetëvendosje ka propozuar deputeten Fatmire Mullhaxha-Kollçakun si kandidate të dytë për presidente të Republikës së Kosovës. Kjo ndodhi më 5 mars 2026, duke plotësuar kushtin kushtetues për praninë e dy kandidatëve për të nisur procedurën e zgjedhjes në Kuvend.
Nominimi u bë zyrtar me një shkresë të dërguar nga shefja e grupit parlamentar të Lëvizjes Vetëvendosje, Arbërie Nagavci, drejtuar Kryesisë së Kuvendit të enjten në mbrëmje. Në shkresë thuhet se deputetët nënshkrues e propozojnë Fatmire Mullhaxha-Kollçakun si kandidate, bashkë me listën e nënshkrimeve dhe dokumentacionin e nevojshëm.
Kandidati i parë nga e njëjta parti është Glauk Konjufca. Burime brenda Lëvizjes Vetëvendosje e konfirmuan paraprakisht lajmin, ndërsa deputeti i Lidhjes Demokratike të Kosovës, Besian Mustafa, postoi në Facebook njoftimin për kandidaturën e saj të dytë.
Seanca për votimin e presidentit pritet të mbahet në Kuvendin e Kosovës në orët e ardhshme.
Përditësime
Kuvendi ka nisur seancën për zgjedhjen e Presidentit.
- Artan Abrashi prezantoi Fatmire Mullhaxha-Kollçakun, specialiste në epidemiologji dhe deputete në gjashtë legjislatura.
- Arbërie Nagavci prezantoi Glauk Konjufcën, duke lexuar biografinë e tij.
- Në sallë janë 66 deputetë të pranishëm, ndërsa 54 mungjnë.
- Lumir Abdixhiku deklaroi se LDK pret shpërbërjen e Kuvendit dhe caktimin e zgjedhjeve të reja.
- Lëvizja Vetëvendosje ofroi nënshkrime opozitës për të arritur 30 nënshkrime për kandidaturë.