Mësimdhënësi i përfshirë në rastin e dhunës në shkollën “Pavarësia” në Prishtinë është liruar nga arresti më 11 shkurt 2026.
Kryeprokurori i Prokurorisë Themelore në Prishtinë, Zejnullah Gashi, konfirmoi se kanë propozuar masë alternative ndaj mësimdhënësit, konkretisht lajmërim në stacion policor.
Gashi shtoi se nuk kanë hapur procedurë për nxënësit që shihet në video sa i përket veprimeve të tij para ngjarjes. Ai tha se po analizojnë të gjitha pamjet e disponueshme.
Ngjarja u bë publike pas publikimit të një videoje ku mësimdhënësi shihet duke ushtruar dhunë ndaj një nxënësi, çka çoi në arrestimin e tij.
Kolegët e mësimdhënësit nga shkolla “Pavarësia” kanë deklaruar se situata ndryshon nga ajo e paraqitur në video. Sipas tyre, nxënësi bashkë me një grup fëmijësh të tjerë e kishte sulmuar të parët arsimtarin.