Kryetari i Komunës së Skënderajt, Sami Lushtaku, ka paralajmëruar se nga nesër do të iniciojë padi ndaj kryeministrit në detyrë Albin Kurti për shpifje dhe gënjeshtra publike.
Lushtaku e bëri të ditur këtë në një postim në Facebook, ku e akuzoi Kurtin se po pretendon rrejshëm për një tentativë sulmi me makinë ndaj eskortës së tij gjatë fushatës zgjedhore të vitit të kaluar në Skënderaj.
Sipas Lushtakut, për këtë rast ekziston raport zyrtar policor dhe pamje nga kamerat e sigurisë, të cilat konfirmojnë se nuk ka pasur asnjë rrezik për sigurinë në komunikacion dhe se çështja është mbyllur nga organet kompetente.
Lushtaku ka shtuar se pas gjashtë vjetësh në pushtet, qeveria e Kurtit nuk i ka lënë Kosovës asnjë projekt madhor, por vetëm propagandë, përçarje dhe viktimizim politik.