Në qytetin e Malishevës do të zhvillohen sot homazhe në kujtim të policit Altin Kryeziu. Ngjarja vjen pas ndarjes nga jeta të efektivit, i cili u godit nga një automjet ndërsa ishte duke shërbyer në detyrë. Pas disa ditësh trajtimi në Qendrën Klinike Universitare të Kosovës (QKUK), ku po përballej me plagët e marra nga aksidenti, polici nuk mundi t'u mbijetojë lëndimeve.
Homazhet janë planifikuar të nisin në orën 19:30, në vendin ku ndodhi ngjarja tragjike. Familjarët, kolegët, miqtë dhe qytetarët janë ftuar të marrin pjesë për të nderuar sakrificën dhe kontributin e tij, si dhe për të shprehur solidaritet me familjen e të ndjerit në këto momente të vështira.