Klubi i Manchester City ka finalizuar marrëveshjen për blerjen e kartonit të Elliot Anderson nga Nottingham Forest. Sipas gazetarit Fabrizio Romano, shuma bazë e transferimit është 135 milionë euro, ndërsa me përfshirjen e bonuseve, vlera totale mund të arrijë në 150 milionë euro.
Ky transferim shënon një rekord të ri për Manchester City, duke tejkaluar shumën e paguar më parë për Jack Grealish (117.5 milionë euro). Gjithashtu, marrëveshja vendos një standard të ri për Ligën Premier, duke tejkaluar transferimin e Alexander Isak nga Newcastle te Liverpool për vlerën e 140 milionë eurove.
Elliot Anderson, 23 vjeç, është aktualisht i angazhuar me kombëtaren e Anglisë në Kupën e Botës, ku është shndërruar në një element të pazëvendësueshëm për trajnerin Thomas Tuchel. Pas performancave me Nottingham Forest sezonin e kaluar, ai bëri kalimin te skuadra aktuale nga Newcastle në vitin 2024 për 41 milionë euro. Lojtari numëron deri tani 11 ndeshje me përfaqësuesen e Anglisë, ndërsa testet mjekësore do të zhvillohen në SHBA.