RCD Mallorca zyrtarizoi emërimin e Martín Demichelis si trajner të ri të ekipit. Strategu argjentinas nënshkroi kontratë deri në fund të sezonit aktual në La Liga, me opsion për zgjatje edhe për një vit tjetër. Klubi e njoftoi lajmin përmes rrjeteve sociale me mesazhin: “Martín Demichelis, trajneri i ri i RCD Mallorca. Trajneri argjentinas nënshkruan deri në fund të sezonit me opsion për një tjetër. Mirë se erdhe në shtëpi, Martín.”
Demichelis vjen për të zëvendësuar Jagoba Arrasate, i cili u largua nga posti pas një serie rezultatesh negative. Kjo e la Mallorcën në vendin 18-të të tabelës, vetëm një pikë mbi zonën e rënies nga kategoria. Ish-trajneri i River Plate arriti marrëveshjen pas negociatash intensive dhe merr menjëherë drejtimin e skuadrës.
Objektivi kryesor i Demichelis është sigurimi i mbijetesës në ndeshjet e mbetura të sezonit. Një nga lojtarët më të mirë të ekipit ka qenë Vedat Muriqi, sulmuesi kosovar që ka realizuar 16 gola në kampionat. Ai mbetet arma kryesore ofensive e Mallorcës në këtë fazë kritike.
Përditësime
RCD Mallorca ka 24 pikë pas 25 xhirosh të La Ligës.