Festivali Sunny Hill ka konfirmuar rikthimin e DJ-it me famë botërore, Martin Garrix, në skenën e tij për edicionin e vitit 2026. Ky njoftim shënon rikthimin e artistit pas 8 vitesh, pasi ai kishte performuar për herë të parë në këtë festival në vitin 2018.
Organizatorët e ngjarjes, përmes një njoftimi zyrtar, bënë të ditur se festivali do të zhvillohet në Bërnicë më datat 31 korrik, 1 dhe 2 gusht. Në këtë edicion, pritshmëritë janë që festivali të presë më shumë se 100 mijë pjesëmarrës. Krahas Martin Garrix, pjesë e programit është shpallur edhe ikona botërore e muzikës, Katy Perry.
Martin Garrix, i cili është vlerësuar pesë herë si DJ më i mirë në botë, njihet për hitet e tij ndërkombëtare si "Animals", "High on Life", "Tremor" dhe "Ocean". Ai gjithashtu ka bashkëpunuar me artistë me prejardhje shqiptare, si në hitin "Scared To Be Lonely" me Dua Lipën dhe "In The Name Of Love" me Bebe Rexhën.