Qyteti i Prishtinës po bëhet gati për organizimin e edicionit të sivjetmë të Sunny Hill Festival, i cili do të zhvillohet në Sunny Hill Festival Park në Bërnicë. Si një nga ngjarjet muzikore më të rëndësishme në Evropën Juglindore, festivali ka nxitur një kërkesë të lartë për akomodim, duke ndikuar drejtpërdrejt në sektorët e hotelerisë dhe gastronomisë.
Programi dhe artistët pjesëmarrës
Programi i sivjetmë sjell një gërshetim të emrave të mëdhenj të muzikës ndërkombëtare dhe atyre rajonalë. Përveç këngëtares Katy Perry, në skenë do të ngjiten edhe:
• Martin Garrix
• Lewis Capaldi
• Adam Port & Rampa
• Seth Troxler
• PAWSA
• Carlita
• Blanco
• Dhurata Dora, Ledri Vula, MC Kresha, Manifest, EsDeeKid dhe GJIN.
Ndikimi ekonomik dhe kulturor
I themeluar në vitin 2018 nga Dukagjin Lipa dhe i promovuar ndërkombëtarisht nga Dua Lipa, festivali është shndërruar në një motor të rëndësishëm për promovimin e Kosovës. Sipas organizatorëve, vëmendja ndërkombëtare që krijon ky event shërben si një fushatë efektive për turizmin, duke sjellë përfitime në ekonominë lokale dhe mundësi të reja për të rinjtë. Ndër vite, në këtë festival kanë performuar artistë të njohur botërorë si Miley Cyrus, Calvin Harris, J Balvin, Shawn Mendes, Stormzy, Burna Boy, Bebe Rexha, DJ Snake, Black Coffee, Peggy Gou, Anyma dhe Hardwell.
Përditësime
Organizatorët e Sunny Hill Festival konfirmuan edicionin e vitit 2026 në Prishtinë. Programi do të zhvillohet në tri skena: C4 Stage, The Next Stage dhe The Satellite. Listës së artistëve i janë shtuar Tyson O’Brien, Salomé Le Chat, Tommy Gold, Kamelia, Asgjë Sikur Dielli dhe La Fazani. Për të lehtësuar qasjen e publikut ndërkombëtar, menaxhmenti ka zgjeruar rrjetin e shitjes së biletave në SHBA dhe tregje të tjera.
Organizatorët e Sunny Hill Festival kanë njoftuar risitë për edicionin e sivjetmë në Prishtinë:
- Programi është zgjeruar me një skenë të katërt për të rritur kapacitetet e performancave.
- Grupi me famë botërore Keinemusik është konfirmuar si pjesë e line-up-it.
- Për shkak të fluksit prej mbi 100,000 vizitorësh, kapacitetet hoteliere në kryeqytet janë prenotuar pothuajse plotësisht (99-100%).
- Vizitorët ndërkombëtarë kanë zgjatur qëndrimin e tyre në Kosovë deri në dy javë.
Edicioni i ri i Sunny Hill Festival pritet të gjenerojë rreth 50 milionë euro për ekonominë e Kosovës. Sipas platformës Booking.com, kapacitetet akomoduese në Prishtinë dhe rrethinë kanë arritur nivelin e 95% të rezervimeve, duke dëshmuar ndikimin e ndjeshëm të festivalit në turizmin dhe shërbimet lokale.